Sa pangunguna ng DSWD Regional Office 3, katuwang ang Landbank of the Philippines at Pamahalaang Lungsod ng Cabanatuan, nagsagawa ng UCT (Unconditional Cash Transfer) cash card distribution sa 3,020 benepisyaryo na naglalaman ng kanilang kabuuang cash grant para sa taong 2020. Ito ay sa pamamagitan ng City Social Welfare and Development Office (CSWDO). Sinuri at pinatunayan ng mga kawani ng DSWD at ng CSWDO ang mga dokumento ng mga benipisyaryo habang ipinamahagi ng kawani ng Landbank of the Philippines ang cash cards. Ang mga benepisyaryo ng UCT ay kabilang sa mga natukoy na pinakamahihirap sa pamamagitan ng DSWD Listahanan at lubos na naaapektuhan ng pagtaas ng presyo ng mga bilihin dulot ng TRAIN Law. Ang pamamahagi ng UCT cash card ay isinagawa noong November 13, 20 at 27, 2021 sa SM City Cabanatuan.