Hulyo 31, 2022 - National Disaster Resilience Month: Interactive Mall Display and Closing Ceremonies

Sa patnubay ni CDRRMC Council Chair Myca Elizabeth R. Vergara, isinagawa ang information Dissemination Activity na ginanap sa SM City Cabanatuan noong Hulyo 30 – 31, 2022.

Sa pamamagitan ng interactive mall display, hinimok ang mga mamamayan na maging bahagi sa pagpapalawig at pagpapalakas ng kakayanan ng Lungsod ng Cabanatuan na tumugon sa anumang sakuna.

Nagbigay ng libreng lecture sa Basic Life Support (Cardiopulmonary Resuscitation) at familiarization sa mga rescue tools and equipment ang mga kawani ng CDRRMO.

Sa ikalawang araw ng nasabing gawain, kinilala ang mga rescuers na sumailalim sa iba’t-ibang pagsasanay gaya ng Collapsed Structure Search and Rescue at Water Search and Rescue Training.

Ayon kay Ginoong Eugenio Romualdo V. Mintu II, napakalaking bagay na magkaroon ng mga karagdagang rescuers hindi lamang sa lungsod kundi pati sa buong Probinsya ng Nueva Ecija.

Dahil rito, ipinarating ni Ginoong Ferdinand B. Hilado, President ng Association of Disaster Resilient Officers Nueva Ecija Inc. ang kanyang pasasalamat di lamang sa mga nagsanay na rescuers kundi pati na rin sa Lungsod ng Cabanatuan dahil sa pagsasanay na kanilang isinagawa.

Binigyang diin naman ng bagong Committee on Disaster Chair na si Hon. Christopher A. Lee ang kahalagahan ng kaalaman at kahandaan pagdating sa lahat ng aspeto ng Disaster Management.

Layunin ng NDRM Celebration na mas imulat at gawing bahagi ang mga miyembro ng lipunan sa (1) Pag-iwas at mitigasyon, (2) Paghahanda, (3) Pagtugon at (3) Rehabiilitasyon at Pagbangon sa anumang kalamidad. 

#2022NationalDisasterResilienceMonth

#KalamanAtKahandaaanParaSaLigtasNaCabanatuan

Source: DRRMO Cabanatuan City