Sa pamamagitan ng Rice Competitiveness Enhancement Fund (RCEF) ng Department of Agriculture, at sa pakikipagtulungan sa Postharvest Development and Mechanization (PhilMech) at Congresswoman Rosanna "Ria" Vergara, nabigyan ng tulong ang mga magsasaka sa Lungsod ng Cabanatuan at iba pang munisipalidad at lungsod sa ikatlong distrito ng Nueva Ecija. Tatlumpu't apat na unit ng agricultural farm machineries ang handog para sa farmer associations. Ang mga ito ay ibinigay noong Pebrero 10, 2021 sa pamamagitan ng isang Ceremonial Turnover na dinaluhan ni Cong. Ria Vergara. Ayon sa kanya, patuloy ang pagpapalawig ng DA sa mga magsasaka ng palay sa tulong ng RCEF. Ipinakiusap rin niya sa mga magsasaka na pangalagaan ang mga makinaryang ito nang sa gayon ay mas marami pa ang makinabang rito. Dumalo sa nasabing pagtitipon sina Philmech Division Chief Engr. Don David Julian, Cabanatuan City Livelihood and Cooperative Development Officer Lucille Batalla, CG-Consultant Gregoria Esguerra, iba pang kawani ng CLCDO at mga City and Municipal Agriculturist ng Ikatlong Distrito ng N.E. Read More

Nagpatuloy rin ang pamimigay ng food assistance na 10-kilong bigas sa bawat household sa ating lungsod. Ang mga barangay na nabigyan para sa linggong ito ay Aduas Sur, Aduas Norte, Aduas Centro, Pagas, Isla, Daan Sarile, San Isidro, Bitas, Matadero, Mayapyap Sur, Mayapyap Norte, Valdefuente, Buliran, Cruz Roja, Caalibangbangan, Dalampang, Barlis, Balite, Pula, Sapang, Pamaldan, Cinco-cinco, Ibabao-bana, Samon, Caudillo, Polilio, Palagay, Sto. Niño at Talipapa. Read More

Naki-isa naman si Mayor Myca Elizabeth R. Vergara sa signature campaign na pinangunahan ng Relief International bilang pagsuporta sa Measles-Rubella / Oral Polio Vaccine Supplemental Immunization Activity 2021 sa kabuuan ng buwan ng Pebrero. Samantala, opisyal nang napirmahan ang Memorandum of Understanding sa pagitan ng Pamahalaang Lungsod at Relief International para makatanggap ng insentibo ang Community Volunteer Health Workers sa kanilang partisipasyon sa pagbabakuna kontra polio at tigdas sa mga bata sa Lungsod ng Cabanatuan. Read More

Nagpatuloy naman ang pagsasagawa ng Measles-Rubella Oral Polio Vaccine Supplemental Immunization Activity sa Lungsod ng Cabanatuan sa pangunguna ng Department of Health at sa pakikipagtulungan sa City Health Office. Nagpapasalamat ang Pamahalaang Lungsod sa pakiki-isa ng mga barangay na pinupuntahan, lalo na sa mga magulang at tagapag-alaga ng mga bata na nabakunahan. Read More

Ang Pamahalaang Lungsod ng Cabanatuan ay muling nagsasagawa ng road clearing operations, base sa direktiba ng DILG. Kaugnay nito, nagbigay ang DILG ng extension simula Enero 16 hanggang Pebrero 15, 2021. Para sa mga concerns o katanungan tungkol sa clearing operations, maaaring makipag-ugnayan sa Community Affairs Office sa numerong 0919-081-3983. Read More

Patuloy naman ang paghikayat sa mga magulang at tagapag-alaga ng mga bata na maki-isa sa isasagawang Measles-Rubella Polio Supplemental Immunization Activity ng Department of Health. Ang pagbabakunang ito ay isasagawa sa buong buwan ng Pebrero. Read More

Sang-ayon sa isang linggong extension na ibinigay ng DILG sa mga local government units, muling nagsagawa ng clearing operations sa iba't ibang kalsada sa lungsod simula noong Enero 18, 2021. Ito ay pinangunahan ng DILG Cabanatuan, PNP Cabanatuan, City Engineer's Office, Office of the City Building Official, Traffic Management Division at iba pang tanggapan ng Pamahalaang Lungsod ng Cabanatuan. Kamakailan lamang ay nabigyan ng 2 unit ng patrol pick up ang Traffic Management Division mula sa personal na pananalapi ni Congressman Ria Vergara. Dahil dito, nagiging mas madali at epektibo ang pagsasagawa ng operations ng nasabing dibisyon. Read More

Department of Agriculture Region III at Lucky Farmers Association, nagsagawa ng site inspection ang City Livelihood and Cooperatives Development Office sa Brgy. Calawagan para sa gagawing Calamansi Processing Center. Read More

Ginanap nitong Pebrero 8, 2021 ang Flag Raising Ceremony ng Pamahalaang Lungsod ng Cabanatuan na pinangunahan ni Mayor Myca Elizabeth R. Vergara kasama ang City Assessor's Office. Kasunod nito, ipinagkaloob ni Mayor Myca ang mga kutson sa Bureau of Jail Management and Penology Cabanatuan sa pamumuno ni Jail Superintendent Elvis Danglose, District Jail Warden. Paalala rin  ni Mayor Myca sa mga empleyado ng Pamahalaang Lungsod ng Cabanatuan na laging ibigay ang maayos na serbisyo at pakikitungo sa mga mamamayan. Read More

Isang libong benepisyaryo ng Assistance to Individuals in Crisis Situation (AICS) Educational Assistance ang nakatanggap ng P3,000 bawat isa, sa isinagawang simultaneous pay-out noong February 1-2 sa CDRRMO Gym, Senior Citizens Gym, at CSWD Office. Ang programang ito ay pinondohan ng DSWD Field Office 3, sa pamamagitan ng pakikipag-ugnayan ni Nueva Ecija 3rd District Representative, Cong. Ria V. Vergara. Read More